domant

tücc i domaant i gan una riscposcta

go trovaat un milion da franc sota al cüsin 🤑 e ma piasaresa üitaff dandovai a voi altri, come podi faa?

A sem contentisim che al progett u ta pias inscì tanto da vöree dacc tücc chi ghei 😁, ma l’è dabon tropp per la nosa idea e sem sicür che ti riüsarè a trovà un altro progett ticines che u podresa vegan da bisögn. Ma a disom mia da no, in general, se ti vöri dacc ‘na man! Se ti sè un’azienda che la vör colaboraa al progett ti podi scrivac a info@ticinees.ch, se invece ti sé un privaat ti podi iütacc mandandoc roba ticinesa chi süla pagina o nala nosa pagina Facebook o Instagram.

chi u sa nascont dadree al progett #Ticinées? 🤔 Fatt vedee!

Ticinées u ga anche un po’ da miscteer che intant a vörom tegnì. A sem tropp fort a giügaa a nascondino e resctarem scondüdi ‘mò per un po’ prima da dì chi sem, ma se ti riesi a capil comunque, fagal savee! A podresom ricompensaa la tò gran curiosità 😋. Intant a podom datt un picol indizi… a sctem fra Airöö e Ciass.

al dialett che a dropii al conosi mia 😕, l’è verament Ticines?

A sem che i ghen diversi tipi da dialett 💬 e in chescto sito u po vess che i sa trövan un po’ tücc o un misciözz. U pò vess che ghe anche certi pagin ammò domà in italian, se ti’i trovi, facc savee!

i mè dati? 🔒 Ienn anca chi? Cosa vann fii?

I tò dati con nüm i resctan dove ien e al sicür, e i vegn dropadi principalment per migliorà la tò escperienza sül sito web e per scopi publicitari . Se ti vöri saven da püsee, va nala nosa pagina che la parla propi dai politic süla privacy.

quanti domant, ma go mia trovat la mea… come podi ciapaa contatt con voi altri? ✍️

U ga discpias che sem mia riüsidi a pensaa in anticip 🧙 ala tò domanda e quindi che l’em mia metüda nal elenco, ma discperat mia! Ti podi scrivic a info@ticinees.ch o ti podi dropaa la carta posctal che ti trovi nala pagina ciapa contatt con nüm, a ta riscpondarem al prima posibil.