ticinées
benvenuto nal sito web püse bell dal Tesin (sa fà par dii)
nüm ticinées
Vess ticines u vör mia domà dii vecc sempar in gir palmi, laac, fiüm, grott, bocalitt e salamitt, l’è propi anca un modo da vess e da viif, che l’è divers dal resct dala Scvizzera. 🇨🇭
A pensom che al Tesin u gabiga tanto da daa e che, per certi versi, u sibia ammò pocc cognosüüt, anca da chi lì che i viif chì o che i pasan chì i vacanz da tanti ann, ma a sem anca sicür che i ticinées i sibia bon da faa di gran bei ropp e da mett in pe di progett da alta qualità e sctraordinariament ünic. 🏆
“l’è scià ora da tirass insema”
– Ticines da la Valmàgia
prodüzion e promozion
Al progett u nas dala vöia da colaboraa con aziend ticinées, che i iüta ogni dì a facc scta ben tücc e anca a fa guadagnaa un quai soldo al nos cantòn, fasendo cognoss la belezza e la qualità dal Tesin in tüt al moònt. Al nos progett l’è pena cominciat ma, grazie ala nosa vöia da cambiaa i ropp, a ghem già collezionaat una scfraca da cafè che ghem bevüüt, trimila incontri, un po’ da böcc nal’acqua, tanti or in pü che ghem bütat denta nal progett e tanti gran bei moment da felicità. 🤪
Adess sem dre a progetta la creazion e/o promozion da roba dal posct ünica e da alta qualità. 🛍️
“fa e desfà l’è tütt lavurà”
– Ticines da Lügan
i noss modi per parlaa con voi altri
A ghem una pagina Facebook e una pagina Instagram che i ga iüta a condiviit i belezz e i curiosità da chescto sctüpendo canton, ma anca un sito web per fa in modo che tücc i podiga cognoss Ticinées, per riscpont ai vos domant e daff anca a voi la possibilità da partecipaa al progett. 👫
Per resctaa sul pezzo e vedee i noss novità, bisögna iscrivass ala nosa newsletter e seguicc süi vari social! 🌐
